ವರಕವಿ ಡಾ. ದ.ರಾ.ಬೇಂದ್ರೆಯವರ “ಉಯ್ಯಾಲೆಯ ಜೀಕು ಜೀಕಿನ ವಿಲಾಸಕ್ಕೆ ಅಂತ್ಯವಿಲ್ಲ. ಅದು ಹೊಸ ಕಾಲಕ್ಕೆ ಹೊಸ ಜೀಕು ಜೀಕಿನ ವಿಲಾಸವನ್ನು ನಿಡುತ್ತಾ ಚಿರನೂತನತೆಯನ್ನು ಪಡೆಯುತ್ತಿದೆ ಎಂದರೆ ಅದರಲ್ಲಿ ಯಾವ ಅತಿಶಯೋಕ್ತಿ ಇಲ್ಲ "ಉಯ್ಯಾಲೆಯ ಪ್ರಥಮ ಪ್ರಕಟಣೆಯಾದದ್ದು 1938ರಲ್ಲಿ. ಈಗ ಈ ಮಾತಿಗೆ 70 ವರ್ಷಗಳು. ಈ ಏಳು ದಶಕಗಳ ಸಂಸ್ಕರಣೆಗೆಂದು ಪ್ರಕಾಶನಗೊಳ್ಳುತ್ತಿರುವ "ಬೇಂದ್ರೆ ಕಾವ್ಯ ಶಿಲ್ಪ", ನಮಗೆ ಹೊಸ ದರ್ಶನವನ್ನು ನೀಡಲಿ ಎಂಬ ಆಶಯದಿಂದ ರಸಿಕ ಓದುಗರಿಗೆ ಅರ್ಪಿಸಲಾಗುತ್ತಿದೆ. ಡಾ. ದ.ರಾ.ಬೇಂದ್ರೆಯವರು ಅಸ್ತಂಗತವಾದದ್ದು ನರಕಚತುರ್ದಶಿಯ ದಿನ, ಬೆಳಕಿನ ಹಬ್ಬದಂದು. ಈ ನಿರ್ವಾಣದ 28ನೆಯ ಸಂಸ್ಕರಣೆಯ ದಿನ ಈ ಅವೃತ್ತಿ ಬೆಳಕನ್ನು ಕಾಣುತ್ತಿರುವುದು ಒಂದು ಔಚಿತ್ಯವೇ ಎನ್ನಬೇಕು.

ಪ್ರಕಾಶಕರು.