ಓದುವ ಪಿಶಾಚಿ ಹೆಗಲೇರಿದರೆ ಅದರಿಂದ ಬಿಡುಗಡೆ ಸುಲಭವಲ್ಲ, ಏನಾದರೂ ಓದುತ್ತಲೇ ಇರುತ್ತೇವೆ. ಓದಿದ್ದನ್ನು ಮರೆಯುತ್ತೇವೆ. ಮರೆಯದಿದ್ದರೆ ಮತ್ತೊಂದನ್ನು ಓದುವುದು ಕಷ್ಟ ಆದರೆ ಕೆಲವು ಪುಸ್ತಕಗಳು ಹಾಗಲ್ಲ. ಅವು ನಮ್ಮ ಅರಿವಿನ ಪರಿದಿಯನ್ನು ವಿಸ್ತರಿಸುತ್ತಿರುತ್ತವೆ. ಮತ್ತೆ ಕೆಲವು, ನಮ್ಮ ತಿಳುವಳಿಕೆಯನ್ನೆಲ್ಲ ಬುಡಮೇಲು ಮಾಡುತ್ತವೆ; ಯೋಚಿಸುವ ವಿಧಾನವನ್ನೇ ಬದಲಾಯಿಸಿಕೊಳ್ಳಲು ಸೂಚಿಸುತ್ತವೆ. ನಾನು ಸೂಚಿಸುತ್ತವೆ ಎಂದೆ; ಒತ್ತಾಯಿಸುತ್ತವೆ ಎನ್ನಲಿಲ್ಲ. ಹೀಗೆ ಒತ್ತಾಯಿಸುವ ಪುಸ್ತಕಗಳೂ ಕೆಲವು ಇರುತ್ತವೆ. ನಮ್ಮ ಪಠ್ಯಪುಸ್ತಕಗಳು, ಧರ್ಮಪ್ರಚಾರದ ಪುಸ್ತಕಗಳು ಇಂತಹವುಗಳು. ಆದರೆ ಹೀಗೆ ಒತ್ತಾಯಿಸದೆ ನಾವು ಯೋಚಿಸುವ ವಿಧಾನವನ್ನು ನಾವೇ ಬದಲಿಸಿಕೊಳ್ಳಲು ಕಾರಣವಾಗುವ ಪುಸ್ತಕಗಳು ಕೆಲವಿರುತ್ತವೆ. ಸಿಮೊನ್ ದ ಬೊವಾ ಅವರ 'ದ ಸೆಕೆಂಡ್ ಸೆಕ್ಸ್' ಅಂತಹ ಪುಸ್ತಕ.

-ಕೆ ವಿ ನಾರಾಯಣ