1942ರಲ್ಲಿ ನಾಝಿಗಳು ಹಾಲಂಡನ್ನು ಆಕ್ರಮಿಸಿಕೊಳ್ಳುತ್ತಿದ್ದಂತೆ, ಯಹೂದಿ ಕುಟುಂಬವೊಂದು ತನ್ನ ಹದಿಮೂರು ವರ್ಷದ ಮಗಳೊಂದಿಗೆ ರಹಸ್ಯ ತಾಣವೊಂದರಲ್ಲಿ ಆಶ್ರಯ ಪಡೆಯಿತು. ಎರಡು ವರ್ಷಗಳವರೆಗೆ ಕ್ರೂರಿಗಳಾದ ಗೆಸ್ಟಪೋಗಳ ಕಣ್ಣಿಗೆ ಬೀಳದೆ ಬದುಕುಳಿಯುವಲ್ಲಿ ? ಯಶಸ್ವಿಯಾಯಿತು. ಆ ಕುಟುಂಬದ ಚಿಕ್ಕ ಹುಡುಗಿ ಆ್ಯನ್ ಫ್ರಾಂಕ್, ತನ್ನ ಕುಟುಂಬ ಗೆಸ್ಟಪೊಗಳ ಕೈಗೆ ಸಿಕ್ಕಿಬೀಳುವವರೆಗೆ ನಿರಂತರ ತನ್ನ ಅನುಭವಗಳನ್ನು ಈ ಡೈರಿಯಲ್ಲಿ ನಮೂದಿಸಿದ್ದಳು.

ಆ್ಯನ್, ಆಕೆಯ ತಾಯಿ ಮತ್ತು ಸಹೋದರಿ ಮಾರೈಟ್ ಇವರೆಲ್ಲರೂ ದುರಾದೃಷ್ಟಕ್ಕೆ ಬಲಿಯಾಗಿ ಯಾತನಾಶಿಬಿರದ ಬಂಧಿಖಾನೆಯಲ್ಲಿ ಸಾವನ್ನಪ್ಪಿದರೆ, ಆ್ಯನ್ ಪ್ರೀತಿಯ ತಂದೆ ಒಟ್ಟೂ ಫ್ರಾಂಕ್ ಅದೃಷ್ಟವಶಾತ್ ಈ ಕೌಲ್ಯದಿಂದ ಪಾರಾಗಿ ಬದುಕಿ ಉಳಿದರು. ಹಾಗೆಯೆ ಆಕೆಯ ಡೈರಿ ಕೂಡಾ. ಗೆಸ್ಟಪೋಗಳು ಅಡಗುತಾಣವನ್ನು ಆಕ್ರಮಿಸಿಕೊಂಡು ಎಲ್ಲವನ್ನು ಹುಡುಕಿದರೂ ಈ ಕಾಗದದ ಕಟ್ಟನ್ನು ರದ್ದಿಯ ಕಾಗದವೆಂದು ಕಡೆಗಣಿಸಿದರು.

ಆ್ಯನ್ ಈ ಬರಹಗಳನ್ನು ಮೊದಮೊದಲು ಆಕೆಯ ತಂದೆ ದುಃಖತಪ್ತ ಒಟ್ಟೋ ಫ್ರಾಂಕ್ ಕುಟುಂಬದ ಸರ್ವಸ್ವವೆಂಬಂತೆ ತನ್ನ ಆತ್ಮೀಯ ಸ್ನೇಹಿತರಿಗೆ ಮತ್ತು ಕುಟುಂಬವರ್ಗದವರಿಗೆ ಹಂಚಿದರು. ಅದೇ ಹಸ್ತಾಕ್ಷರದ ಕಟ್ಟು, ಪರಿಷ್ಕೃತಗೊಂಡು ಯುದ್ಧಾನಂತರ ಪುಸ್ತಕ ರೂಪದಲ್ಲಿ ಡಚ್ ಭಾಷೆಯಲ್ಲಿ ಪ್ರಕಟವಾಯಿತು. ಅದರಂತೆ ಸಿನೆಮಾ ಕಥೆಯಾಗಿಯೂ ಪ್ರಸಿದ್ಧವಾಯಿತು. ಮತ್ತು ಬಹಳ ಬೇಗ ಜಗತ್ತಿನ ಇತರ ದೇಶಗಳ ಸುಮಾರು 30 ಭಾಷೆಗಳಿಗೆ ಅನುವಾದಗೊಂಡಿತು. ಇಲ್ಲಿಯವರೆಗೆ ಸುಮಾರು